“డింగుటకా” — 2037 లో ఒక సినిమా రివ్యూ by Yo!man™

Dude, thanks for visiting blog.yo!man.com.

ఇవాళ ఒక తెలుగు సినిమా చూసాను, పేరు “డింగుటకా”. అసలీరోజుల్లో ఎలాంటి సినిమాలొస్తున్నాYo!. మా టైంలో అయితే “బ్యాండ్ లీడర్” అనీ, “పరమ హింసా రెడ్డి” అనీ, ”దొరికితే చంపుతా” అనీ మంచి మంచి సినిమాలు వచ్చేవి. ఇప్పుడంతా ట్రాష్. “డింగుటకా” అంట అదొక పేరు, అదొక సినిమా.

ఇక సంగీతం గురించి, అసలు ఒకప్పుడు ఎంత మంచి సంగీతం, ఎంత బాగా వచ్చేదనీ!. “బ్యాండ్ లీడర్” సినిమాలో అయితే “బీ యే ఎన్ డీ… బ్యాండ్ బ్యాండ్ … బజావో బ్యాండ్ బ్యాండ్” ఎంత మంచి పాట… మంచి పదాలూ, ఆ సాహిత్యం… సంగీతంలో వంపులూ సొంపులూ… ఆ రోజులే వేరు. “డింగుటకా”  లో first song “డ్ర్ర్‌ర్‌ర్‌ర్ డుష్ డుష్” కొంచెం ఫర్వా లేదు. “పుటుక్కు జర డుబుక్కుమే” సాంగ్ బావుంది. కొంచెం తెలుగు పదాలున్నాయి. మిగతావి మరీ దారుణం.

ఈమధ్య సినిమాలు బాగా మారిపొయ్యాయండీ. “కషీలా”, “జంభ” ల లాగా సంఘసేవ చేసే హీరోయిన్లూ ఏరీ. ఏమైనా అంటే ఆ కిం అండ్రూ నీ, రోజ్ కిడ్సన్ నీ చూపిస్తారు. అస్సలు వాళ్ళకీ అస్తిపంజరాలకీ ఏమయినా తేడా వుందండీ?

“కిరూ” అని ఒక పెద్ద హీరో. ఎంత మంచి డాన్సులు చేసేవాడో. “బాధ”, “జంభ” అనే హేరోయిన్‌లతో ఆయన చేసిన డాన్సులు ఇప్పటికీ చూడబుద్దేస్తాయి. స్టెప్స్ అంటే క్యాచీగా వుండాలా? అంతా గ్రాfix, ఇంక dance ఏంచూస్తాం.

ఇక dialogues గురించి. “పరమ హింసా రెడ్డి” సినిమా లో “రేయ్ నీ బాత్‌రూంలో కొచ్చా, నీ సోపువాడా, నీ అండర్‌వేర్ కూడా వాడా” లాంటి dialogues ఏవీ. ఇప్పటి సినిమాల్లో ఆ పదును లేదండీ.  

మొత్తానికి సినిమా అయితే హిట్ అవుతుంది కానీ నాకయితే నచ్చలా.