మరో ప్రస్థానం

మరో ఎలక్షన్,
మరో ఎలక్షన్,
మరో ఎలక్షన్ వచ్చింది!
పదండి తొక్కుక్కు!
పదండి తోసుకు!
పోదాం, పోదాం, పైపైకి!
కదం తొక్కుతూ,
పదం పాడుతూ,
అంతరాత్మలే లేకుండా-
పదండి పోదాం,
వినబడలేదా
మరో ఎలక్షన్ ఘంటికలు?
పేదవాళ్ళ గుండెనెత్తురులు
తర్పణ చేస్తూ పదండి ముందుకు!
దందాల్ జేసీ,
సెజ్జులు చేసీ,
దోచినదంతా తీయండి!
చిరంజీవులూ,
రాఘవులూ, నారాయణలు,
చంద్రబాబులా మనకడ్డంకి?
పదండి తొక్కుక్కు!
పదండి తోసుకు!
పోదాం, పోదాం, పైపైకి!
ఎముకలు కుళ్లిన,
వయస్సు మళ్లిన,
‘తెలుగు తమ్ములూ’! చావండి!
డబ్బులు చిమ్మే,
సారా పంచే,
నాయకులారా! రారండి!
రాహుల్! రాహుల్!
రాహుల్! రాహుల్!
రాహుల్ రాహులని కదలండి!
మరో ఎలక్షన్,
మహా ఎలక్షన్
రాష్ట్రం నిండా నిండింది!
పదండి తొక్కుక్కు!
పదండి తోసుకు!
పోదాం, పోదాం, పైపైకి!