దిల్ సే …

మార్చి 12, 2009

TOP 10 డవలాగులు

చంద్రబాబు ……………… ముఖ్యమంత్రి కొన్ని వేలకోట్ల రూపాయలు సంపాదించారు
రాఘవులు ……………. “చంద్రబాబు పాలన…….” కి కట్టుబడి ఉన్నాం
వైయస్సార్ …………….. అధిస్టానం చూసుకుంటుంది
చిరంజీవి ……………….. సామాజికన్యాయం
కేసియార్ ………………. బొందబెడతాం
నాగబాబు ……………… పూజకి పనికి రాని పువ్వు
రాజశేఖర్ ……………… సానుబూతులు

And the joint winners are…
రోజా …………………… పళ్ళు రాలగొడతా
బాలకృష్ణ ……………….. సామాన్యులకు రక్షణేది?

Consolation prize goes to …
మోహన్‌బాబు ………… industry is not for onebody

ప్రకటనలు

అక్టోబర్ 31, 2008

సింబాలిజమా? నీ బొంద.

నేను చూసిన సింబాలిజాలు.

  • హీరోకి క్యాన్సర్ అన్న విషయం హీరోయిన్‌కి సముద్రం పక్కన ఉన్నప్పుడే తెలుస్తుంది. ఒక అల ఒడ్డున రాయిని గుద్దుకుని ఉవ్వెత్తున ఎగసి  ఆగిపోతుంది.(కాలం నిలిచిపోయింది)
  • హీరోయిన్ త్యాగం చేసిన విషయం తెలిసిన హీరో తనని కలవడానికి వెళ్ళినప్పుడేమో వర్షం పడుతుంది. (హీరో ప్రేమలో హీరోయిన్ తడిసి ముద్దయ్యింది)
  • హీరోయిన్ ప్రసవవేదన పడుతుంటుంది. బయట ఉరుములు, తుఫానూ (???).
  • హీరోయిన్ అబార్షన్‌కి వెళ్తే, సీను చివర్లో కెమేరా వద్దన్నా గోడమీద పోస్టరు మీదికెళ్తుంది. అందులో పిల్లాణ్ణి  ఒక పేఏఏధ్ధ గంట ఢీకొట్టబోతూ ఉంటుంది. (బిడ్డని చంపేశారు)
  • హీరోనో, హీరొయిన్నో స్క్రీను మధ్యలో నిల్చుని ఉంటారు. బ్యాక్‌గ్రౌండ్లో అట్నుంచి ఒక ట్రెయిన్ ఇటు వెళ్తుంది, మరుక్షణం  ఇట్నుంచి ఒక ట్రెయిన్ అటు వెళ్తుంది.(???)
  • హీరోయిన్ తీవ్రంగా ఆలోచిస్తుంటుంది. బెడ్రూంలో లైటు ఆన్ఆఫ్ అవుతూ ఉంటుంది… sudden గా లైటు ఆరిపోతుంది (ఊగిసలాట అయిపోయింది, ఒక నిర్ణయం తీసుకోబడింది).
  • హీరోయిన్ బొత్తిగా అమాయకురాలు అయి క్యూట్‌గా ఉంటే introduction సీన్‌లో ఒక మేక పిల్ల వెంటో గొర్రె పిల్ల వెంటో పరిగెడుతుంటుంది. (అమాయకురాలు, క్యూట్‌గా ఉంది)
  • సెకండ్ హీరోయిన్ హీరో, హీరోయిన్ని కలుపుతుంది. క్లైమాక్స్‌లో అస్తమిస్తున్న సూర్యుణ్ణి చూస్తూ దూరంగా ఉన్న కొండలకేసి వెళ్ళిపోతుంది.(???)

లేటెందుకు? మీరు చూసింది ఒకటి మీరూ కమెంటండి…

అక్టోబర్ 17, 2008

TOP 10

* పూరీ without oil
* మరో ప్రస్థానం

* బట్టతల వచ్చేసిందే బాలా!

* మన అభివృద్ధి అగ్రహారాల దాకా వచ్చింది
*తెలంగాణా సాయుధ పోరాటం – ప్రశ్న-జవాబు

* వెధవతనంలో సిన్సియారిటీ…
* ఇద్దరు వ్యక్తులు జీవితాంతం కలిసి జీవించడానికి “నాకెంతిస్తావు?” “అంత కాదు గానీ ఇంకో మాట చెప్పు” అని బేర సారాలు జరుగుతున్నాయంటే..దానికి సహజీవనమనో, పెళ్లనో గౌరవనీయమైన పేర్లెందుకు?

* సినిమా ఆఫ్ ది యియర్ (హ్యాపీ డేస్)

* మా ఆవిడ ఇంతే, మరి మీ ఆవిడ…?

* దేవుడు బలే నాయాలు. కద మా!

* ఎముంది, నేను తన “జడ” చూస్తే తన నా “బట్టతల” చూసింది
* ఇలా నా చేత రక్ష..రక్ష..అంటు..”ప్రతిజ్ఞ”చేపించి… అనవసరంగా వారిపై,నాకు.. కక్ష పెంచుకునేలా చేసారు..
* అయినా మేమిద్దరం మంచి ఫ్రెండ్స్…..ఎందుకంటే మా ఇద్దరికి మ్యాథ్స్ రాదు……

And the joint winners are …

* చదువుతుంటే అసహ్యంగా లేదూ, గుండె మండిపోవడం లేదూ!సాటి మనిషిని మనిషిగా గౌరవించలేని బూజు భావాలకు ‘కులమని ‘ పేరా?
* “బ్లాక్ బాక్స్ (విమాన ప్రమాదాలో దొరికేది)కి తెలుగు చెప్పవా” అనడిగాడొక రమేష్చంద్రుడు.”‘ కపిల పేటిక ‘ అని రాసుకో ‘ అని నేను చెప్పగానే అదే రాసి చీవాట్లు తిన్నాడు పాపం

* బస్సువాడు చక్కటి బాలసుబ్రహ్మణ్యం పాట పెట్టాడు..వింటూ అలా ఎప్పుడు నిద్ర పొయ్యనో తెలియదు..కానీ ఎప్పుడూ లేచానో తెలుసు … ఎక్కడినుంచో అస్సహ్యంగా రమణ గోగుల గొంతు వినిపించినప్పుడు
* అసలు ప్రత్యేకమైన కారణాలేవీ లేకుండా.. పాకిస్తాన్ క్రికెటర్లను చూడగానే ద్వేషిస్తుంటారే కొంతమంది మూర్ఖులు…వాళ్ళలో ఒకడిని నేను.
* నాన్సెన్స్ – ఐదు రన్లు కాదు…..సగం రన్నుతో గెలిచినా సరె….గెలిచిన వాడే హేరో..

* ఆ కవర్లు ఇటీ వదినా…ఎన్నింటికెళ్ళాలి?

__________________________________________________________________________
P.S.
1. One blogger gets only one spot/award (sorry gowtham(రెండు రెళ్ళు ఆరు)…)
2. No preference to senior/junior bloggers
3. No Categories
4. Sorry (too) old posts… You know, I keep forgetting
5. Not to be biased (including my all-time favourites చరసాల, కొత్తపాళి, రానారె, ఒరెమూన)
6. 10th spot is reserved for me, at any cost…-)

ఏప్రిల్ 16, 2008

చిరంజీవి రాజకీయాల్లోకి రావాలా?

ప్రత్యేకించి చిరంజీవి, సినిమావాళ్ళు అని కాదు గాని, రావాలండీ బాబూ! ఎక్కడెక్కడ ఈజీమనీ ఉందో, అక్కడక్కడ ఉన్నవాళ్ళంతా రాజకీయాల్లోకి తొందరగా రావాలి. అంటే వీళ్ళంతా సులభంగా సంపాదించేశారని కాదు గానీ. ఏదో ఒక మతలబు చెయ్యకుండా సంపాదించరు కదా ‘ఈజీమనీ’ ని.
రాజకీయాల తర్వాత అంతటి రాజకీయాలుండేది మన సినిమాల్లోనే అంటారు కదా! నాకు తెలిసినంతలో ఈ విషయాలు పేపరువాళ్ళదాకా వచ్చి వేర్వేరు కారణాల వల్ల ఆగిపోతాయి. ఇప్పుడు మన రాజు గారూ, ఇంకా రాజులా ఫీలయ్యే పాత రాజుగారూ, నువ్వు డాష్ అంటే నువ్వే డబుల్ డాష్ అని తిట్టుకుంటున్నారు కదా! జనాలు చూస్తున్నారు. వాళ్ళకి అర్ధమవుతోంది ఎవ్వడు ఏంటి అనేది. చర్చ జరగాలి. ఎవడెలాంటి వాళ్ళన్నది తేలాలి. వీళ్ళు చేసిన మతలబులు అన్నీ బయటకి రావాలి. అప్పుడయినా ప్రజల్లో చైతన్యం వస్తుందేమో చూడాలి. దీని ద్వారా జనాలకి అవేర్‌నెస్ పెరుగుతుంది అని అనుకుంటున్నాను. చంద్రబాబు ఫలానా స్కాము చేశాడు అంటే ఫీలవని జనాలు, మన ముఠామేస్త్రి చిరంజీవి… మన బుద్ధిమంతుడు బాలక్రిష్ణ… ఫలానా స్కాము చేశాడు అంటే ముక్కున వేలేసుకోరా? “అవునా, మరి ఫలానా సినిమాలో ఎంత బుద్ధిమంతుడిలా నటించాడు? ఎంత దారుణం” అనుకోరా? అట్లాగయినా చర్చ జనాల్లో జరగదా?
ఇప్పుడు చూడండి, సినిమా ఇండస్ట్రీ 75 ఏళ్ళనించీ వుంది కదా! ప్రజలు దీనిలోని లొసుగుల గురించి, లోగుట్టుల గురించీ పెద్దగా మాట్లాడరు. రేపు అందులోంచి ఒకరిద్దరు పెద్దవాళ్ళు రాజకీయాల్లోకి వస్తే నాసామిరంగా… ఇక చూడాలి… నువ్వు ఇది అంటే నువ్వు అది అని తిట్టుకోవడం చూస్తేనన్నా వాళ్ళమీద భక్తి తగ్గి మంచి సినిమాలు వస్తాయేమో. ఇప్పటి దాకా దేవుళ్ళతో సమానంగా ఒక వెలుగు వెలిగిన మన హీరోలు రేపు ఒకళ్ళ మీద మరొకరు బురద చల్లుకుంటారా? కార్టూనిస్టులకి బాగా పని ఉంటుందనుకుంటా.
కామిడీ సంగతి తర్వాత ఇందులో ఒక వ్యాపార సూత్రముంది. బీహారూ, యూపీల్లో లాగ అందరూ స్తబ్దుగా ఉంటే వ్యాపారం జరగదు. డబ్బు కదలాలి, అది కదిలే చోటకి ఒక్కళ్ళు కాదు పది మంది వెళ్ళాలి, పోటీ పడాలి. అప్పుడే అన్ని వర్గాలవాళ్ళూ సంతోషంగా ఉంటారు. హైదరాబాదు ఉన్న ఆటోవాళ్ళూ, హోటలువాళ్ళూ గుంటూరు, జగిత్యాల, నంద్యాల లోని ఆటోవాళ్ళూ, హోటలువాళ్ళ కంటే సంతోషంగా ఉండటానికి ఇదేకారణం అని నా అభిప్రాయం.
రాజకీయాలని మన పల్లెటూళ్ళలోకి తెచ్చిన ఘనత రామారావుకి దక్కినట్టే ఇంకోంచెం ఓపెన్ చేసిన ఘనత తర్వాతతరం సినిమావాళ్ళకి దక్కాలని, పనిలో పని సినిమా ఇండస్ట్రీలో హీరోలని ఆరాధించటం పోయి మంచి సినిమాలు రావడానికి దారి సుగమమవ్వాలని అశిద్దాం.

ఏప్రిల్ 10, 2008

బ్లాగుల నుంచి తెలుగు సినిమా ఏం నేర్చుకోవచ్చు

ఇల్లు కడితే చాన్నాళ్ళుంటుంది, మరి కంప్యూటర్లు ఎందుకు వూరికే క్రాష్ అవుతుంటాయి? ఈ విషయం మీద నేను ఎక్కడో ఇది చదివాను.

“ఆపరేటింగ్ సిస్టంలు వచ్చి కొన్ని దశాబ్దాలు మాత్రమే అయ్యింది. దాంట్లో వాడే ‘ఎక్ష్పీరియన్సు’ తక్కువ విలువైంది. అదే ఇళ్ళు కట్టడానికి వాడే నాలెడ్జి కొన్ని యుగాలనాటిది. they have stood the test of time. కాబట్టి ఆ డొమైన్‌లో నాలెడ్జిని ఇక్కడ వాడుకోవాలి” అంటాడు ఒక పెద్దాయన. మరి, నేను బ్లాగు రాయడం మొదలుపెట్టి ఆరు నెలలు దాటింది. ఈ ప్రాసెస్‌లో వచ్చిన ఒడిదుడుకులని సినిమా తీయాలనే ఔత్సాహికులతో ఎందుకు పంచుకోకూడదు? అనిపించింది. అందుకే ఈ పోస్టు. “మాస్టారూ, “చాల్లే, మన తెలుగు ఇండస్ట్రీనే 75 ఏళ్ళనించి ఉంది” అంటారా? మీరే రైటు. కొత్తవి చెబుదామని మొదలు పెట్టినా, రాయగా రాయగా అన్నీ సినిమా ఇండస్ట్రీలో బేసిక్సే అని అనిపిస్తుంది. అయితేనేం, బేసిక్స్ అన్నింటికంటే ముఖ్యం కదా, అందుకే రాస్తున్నా.

  1. కొత్తదనం కోసం ప్రయత్నం చేయండి. దాన్ని మనస్సు అట్టడుగునించి బయటకి తియ్యండి. ఇదో ఇలా అనుకోకుండా (తెలుగు సినిమా – Myth and The Reality) హిట్ అవ్వచ్చు.
  2. ఏదో కొత్తగా ఉంది కదా అని, జస్ట్ కొత్తదనం కోసం ప్రయత్నించకండి. ఇదిగో ఇలా (శివ..శివ…శివ…, 2 year pinch) ఫట్టవుతుంది. భోజనంలో కూర కూరే అన్నం అన్నమే. కొత్తదనం రుచికరమైన కూరవ్వాలి, అన్నం కాదు.
  3. మొదట్లో ఉన్న విగర్ తర్వాత్తర్వాత అంతగా ఉండదు. నామట్టు నాకు ఇవి (కడిగేస్తాన్ , అనగనగా ఒక “రాజు”, రామోజీరావుకి కోపమొచ్చింది) బాగా వచ్చాయని అనిపిస్తుంది. కాబట్టి నాలుగు నాళ్ళు ఉండే కథలు, నాలుగు రకాల కథలతో మీ ప్రయత్నాలు మొదలు పెట్టండి. you should look for a career. మీరుపడే కష్టమూ, తపనా మూణ్ణాళ్ళ ముచ్చట కాకూడదు కదా!
  4. ఇన్‌ఫర్మేటివ్ సినిమాలు తియ్యాలి అని, ప్రొడ్యూసరు డబ్బులతో జనాల్ని ఉద్దరించబోకండి. ఇదో ఇలా దారుణంగా (అకాల మరణాలు) ఫట్టవుతారు.
  5. కాముడీ కాముడీనే, సీరియస్ సీరియస్సే. కాముడీ 🙂 ఇంపార్టెన్సు గుర్తించండి. విహారి, తోటరాముడి పోస్టు కోసం చూడండి జనాలు ఎలా ఎదురు చూస్తారో? Don’t get carried away by international movies. Always keep your target audience in mind.
  6. మీకంటూ ఒక ఇమేజ్ ఉంటే ఓపనింగ్స్ సులభంగా వస్తాయి. నవతరంగం, రానారె పోస్టులు ఎంత ఇదిగా చదువుతారో గమనించండి.
  7. మీకు నచ్చింది కదా అని అందరికీ నచ్చాలని లేదు, ఇలా సినిమా తీద్దాం రా! , రాముడున్నా, లేకున్నా…(@Readers’ discretion)
  8. అందరికి నచ్చేవిషయాలపై సినిమాలు తియ్యండి, ఇలా (మహేష్ బాబు)
  9. తెలుగు ఇండస్ట్రీలో పరిచయాలు చాలాముఖ్యమని విన్నాను. ఈ పోస్టులో లాగా, ఇక్కడ మన “చావా” పొస్టుని మక్కికి మక్కీ దింపేస్తున్నారు అందరితో మంచి రిలేషన్స్ మెయిటెయిన్ చెయ్యండి. (నేను ఈపోస్టు రిలేషన్స్ మెయిటెయిన్ చెయ్యడం కోసం రాయలేదు, నిజానికి నాగురించి ఇక్కడ నా మొదటి పోస్టులో చెప్పినట్టు, ఎప్పుడూ నాకు తోచిందే రాశాను).
  10. కొన్ని టాపిక్కులు ఇంటెరెస్టింగ్‌గా వుంటాయి. కానీ వాటిల్లో రెండున్నర గంటలు లాగేంత సినిమా వుండదు. full length సినిమా తియ్యడానికి మీ స్టోరీ సరిపోతుందేమో చెక్ చేసుకోండి. లేకపోతే ఇక్కడలా (వెన్నెలా…, అమృతం ) విషయం వున్నా, స్టామినా లేకుండా పోతుంది.
  11. మీరు తీసే సినిమా పూర్తి క్లారిటీతో, పూర్తి స్క్రీన్‌ప్లేతో మొదలు పెట్టండి. క్లారిటీ లేకపోతే ఇదో ఇలా (అమృతం కురిసిన రాత్రి) ఫ్లాపవుతారు.
  12. ఇలాంటి “డింగుటకా” — 2037 లో ఒక సినిమా రివ్యూ by Yo!man™ ఫాంటసీల్లో రిస్క్ ఎక్కువ ఉంటుంది. calculated risk తీసుకోవడం అలవాటు చేసుకోండి. production cost కంట్రోల్ చెయ్యాలంటే ఇది తప్పనిసరి.
  13. ఒక స్టేజిలో రెగ్యులర్‌గా ఏదో ఒకటి రాసేస్తూ ఉండేవాణ్ణి, టాపిక్లో ఎక్కువ ఇంటరెస్టు లేకపోయినా. ఇండస్ట్రీకి వెళ్ళి మిమ్మల్ని ప్రూవ్ చేసుకుంటే మాత్రం, don’t get carried away with success. ఇమేజ్‌ని ఎలాగోలా క్యాష్ చేసుకోకండి. కాస్త నిదానంగా సినిమాలు తియ్యండి, క్వాలిటీ కోసం.
  14. చాలా మంది నాతో ఏకీభవించక పోవచ్చేమోగానీ, సినిమా బాగా తియ్యడం ఎంత ముఖ్యమో దాన్ని సరిగ్గా ప్రమోట్ చెయ్యడం, దాన్ని ప్రదర్శించడానికి డిస్ట్రిబ్యూటర్లూ, థియేటర్లూ దొరకడమూ, రిలీజ్ టైమింగూ అంతే ముఖ్యమని గమనించండి.
  15. ఎంత కష్టపడ్డా అనుకోని ఫ్లాపులూ, ఊహించని హిట్లూ కూడా వస్తాయని గ్రహించండి. అటువంటి వాటికి మానసికంగా సిద్ధంగావుండండి.

-.-:BEST OF LUCK:-.-

తర్వాత పేజీ »

వర్డ్‌ప్రెస్.కామ్‌లో ఓ ఉచిత వెబ్‌సైటు లేదా బ్లాగును సృష్టించుకోండి.